تساقط الشعر في الصيف: الأسباب والحلول

في الصيف، كتير من الناس بيلاحظوا إن شعرهم بيقع أكتر من الطبيعي. وده مش مجرد إحساس، لكن فعلًا في عوامل بتأثر على صحة الشعر في الجو الحر، وبتزود مشكلة التساقط. في المقال ده، هنعرف الأسباب، وهنقدملك خطوات بسيطة تساعدك تحافظ على شعرك في عز الصيف

أسباب تساقط الشعر في الصيف

الحرارة العالية والرطوبة

الحرارة بتخلي فروة الرأس تعرق أكتر، وده ممكن يسد المسام ويضعف بصيلات الشعر

 

التعرض المباشر للشمس

الشمس بتأثر على فروة الرأس والشعر، وبتسبب جفاف وتقصف ممكن يوصل للتساقط

 

السباحة في حمامات السباحة أو البحر

الكلور والأملاح بيجففوا الشعر ويضعفوه، خصوصًا لو ما تمش غسله أو ترطيبه بعدها

 

قلة شرب المياه

الجفاف بيأثر على الجسم كله، ومنها الشعر، واللي بيحتاج ترطيب داخلي زي ما بيحتاج عناية خارجية

 

نقص الفيتامينات وسوء التغذية

الدايت القاسي أو سوء التغذية في الصيف ممكن يسبب نقص عناصر مهمة زي الحديد، الزنك، والبيوتين، وكلها ضرورية لصحة الشعر

 

إزاي تقلل تساقط الشعر في الصيف؟

استخدم شامبو خفيف على الفروة وخالي من المواد الكيميائية القاسية-

رطّب شعرك بزيوت طبيعية زي زيت جوز الهند أو زيت الأرجان بعد الغسيل-

اشرب مياه كفاية يوميًا (على الأقل 2 لتر)-

استخدم مكملات غذائية لو لزم الأمر بعد استشارة صيدلي أو طبيب-

اعملي ماسك أسبوعي لترطيب وتغذية الشعر بعمق-

 

الخلاصة

 

تساقط الشعر في الصيف ليه أسباب واضحة، وكل سبب ليه حل بسيط لو عرفناه وتعاملنا معاه من بدري. روتين صغير لكن منتظم يقدر يحمي شعرك ويقويه قدام حرارة الصيف وتغيراته

.ومع صيدليات دلمار وعطالله هتلاقوا كل منتجات الشعر متوفرة

 

 

المراجع:

 

 

American Academy of Dermatology – Hair Loss: Who gets and causes